Kveðja frá Addý - lesist vel - hún skrifaði textann

Með góðlátlegu leyfi frá PR-manni mínum

Hér kemur smá innskot frá þeirri sem allt vesenið hefur staðið um.

Nú eru aðeins nokkrar klukkustundir þangað til vika er liðin frá "stóra skellinum" og ég hef ekki haft tækifæri til að lesa bloggfærslurnar hans Inga míns né kveðjurnar frá ykkur. Bíð ekki í það táraflóð.

En annars hafa bara tveir menn grætt mig á þessum tíma, og hvorugur var munstraður með sprautu, hníf eða laser, heldur einhverju allt öðru. Þetta voru snillingarnir Beethoven og Jussi Björling . . . . Og svo birtist hann Teddi minn Skúli í morgun og ég get sagt ykkur að ef ég hefði ekki setið á ganginum á "Ulleval", stærsta sjúkrahúsi í Evrópu, þá hefði ég farið að hágráta!

Maður bara stendur sig!

Elska ykkur öll.

Athugasemdir

[Lísbet (IP-tala skráð) 27.8.2008 kl. 16:02]

Allir hér á rannsókn eru með hugann hjá þér elsku Arndís. 

Við erum þess fullviss að þetta gengur vel.  Sérstaklega þegar þú hefur þá félaga Beethoven og Björling með þér, að ég tali nú ekki um hann Inga þinn.

Þú ert hetja...

Kveðja frá öllum vinnufélögum þínum

Lísbet

[Adda og Gunnsteinn (IP-tala skráð) 27.8.2008 kl. 17:58]

Elsku Addý mín. Mikið var gaman að fá þessa línu frá þér. Nú er stór dagur hjá þér á morgun, og ég fer í göngutúr, því að þá er svo gott að hugsa og þá hugsa ég til þín. Myndirnar af þér eru fínar, næstum eins og ekkert hafi skéð. Allar góðar vættir veri með þér. Koss til Inga. Þín vina Adda. Hjartans kveðjur frá Gunnsteini.

[Ella The. (IP-tala skráð) 27.8.2008 kl. 21:33]

 Hæ elsku Addý mín!
Nú er bara loka hnykkurinn á morgun og svo förum við að hugsa um að fá þig hressa heim. Hef þá trú að allt gangi vel og enn og aftur verða allir englar heimsins í kringum þig í aðgerðinni. Verð vöknuð í fyrramálið og sendi strauma (sú þykist vera mögnuð) til þín.
Góða nótt, vinkona mín og tvíburasystir og vonandi að þú sofir rótt. Bið að heilsa Inga og Gummi biður fyrir kveðju.

[Theódór Skúli Sigurðsson (IP-tala skráð) 27.8.2008 kl. 21:56]

Elsku Addý og Ingi

Ómetanlegt að fá að hitta ykkur í dag....  !

Gladdi mig virkilega að sjá frænkuna gangandi um ganga Ulleval sjúkrahúsins með rjóðar kinnar og fulla af ódrepandi eldmóð....  algjört hörkutól þessi frænka manns, enda með Lindabrekkugenin í lagi! Áttu virkilega góða tíma saman...

 Hugsum hlýlega til ykkar á morgun...  verð í bandi símleiðis síðdegis!

 Við Biggi vinur fengum mikið út úr skoðunarferð okkar um háskólasjúkrahús Oslóborgar, enda lifum við og hrærumst í þeim bransa.  Kom nefnilega í ljós að háskólasjúkrahúsin hérna eru nokkur, hvert öðru flottara, en bara eitt þeirra kannaðist við Addý Theodórs stórfrænku mín frá Íslandi! :-)

[Auður Ingibjörg (IP-tala skráð) 27.8.2008 kl. 22:16]

Halló elsku Addý mín,takk fyrir pistilinn frá þér þú ert bara hetjan okkar,vona að allt gangi vel á morgun,Tedda fannst yndislegt að hitta ykkur í morgun.Sofðu rótt í nótt elskan.

Heyri frá ykkur á morgun Auda