Komin heim

Ferðin heim í gær gekk eins vel og á varð kosið þó við hefðum haft örlitlar áhyggjur í upphafi. Þegar við komum til Gardemoen beið okkar ungur maður með hjólastól sem ók okkur rakleitt að innskráningarborðinu. Það tók 5 mínútur að klára það og stuttu síðar vorum við komin í betri stofu SAS og þar sátum við í ró og næði þar til tími var til að færa sig að hliði.

Þar var búst við okkur og við vorum fyrst um borð og sest í þægileg sæti skömmu síðar. Flugið gekk afar vel og við lent hér á okkar ástkæra landi um hálf fjögur. Og ekki tók landið illa á móti okkur. Frábært útsýni frá því við flugum yfir það.

Með smá hjálp vorum við svo sest inn í bíl tæplega hálf fimm og komin heim í Hvassaleitið rúmlega fimm.

Þar biðu systur og dóttir og urðu mikilir fagnaðarfundir.

Dísa mín var komin í rúmið rúmlega sjö og þrátt fyrir allnokkra verki upplifði hún slíka sælutilfinningu í hjartanu sínu yfir því að vera komin heim, að það yfirskyggði allt annað. Hún svaf nánast óslitið í 12 tíma og vaknaði ágætlega hress í morgun.

Nú bíður nýtt líf með nýjum ævintýrum sem eru um það bil að bera blóm.

Með kveðju frá skrásetjara og yfirhetjunni.

 

Athugasemdir

[erna gunnarsdóttir (IP-tala skráð) 4.9.2008 kl. 11:10]

Frábært að fá ykkur heim,kveðjur Erna

[Lísbet (IP-tala skráð) 5.9.2008 kl. 07:38]

VELKOMIN HEIM.  

Dásamlegt að heyra að allt gekk vel. 

Elsku Arndís yfirhetja, farðu vel með þig.

Kveðja til ykkar beggja frá Lísbet

[Lísbet (IP-tala skráð) 7.9.2008 kl. 12:56]

Mikið var fallegt að sjá ykkur hönd í hönd í fyrradag.  Það létti yfir annasömum degi.

Með beztu kveðju frá Lísbet

[Theódór Skúli Sigurðsson (IP-tala skráð) 7.9.2008 kl. 19:38]

Velkomin heim elsku frænka...  !

Gott að allt gekk vel, hef fengið reglulegar upplýsingar um gang mála frá "Upplýsingamiðstöðinni" í Ofanleitinu... 

Efast ekki um að það hafi orðið miklir fagnaðarfundir...

Við litla fjölskyldan frá Lundi skiluðum okkur tilbaka til Svíþjóðar á sunnudeginum...  Áttum virkilega góðan tíma með vinafólki okkar, en mikið svakalega var gott að komast aftur heim, enda allir orðnir þreyttir eftir langt og strembið ferðalag frá Osló

Frábært að fá að hitta þig og Inga í eigin persónu á spítalanum og sjá að þú varst komin á beinu brautina, óbuguð og full af baráttuanda!

Mér finnst eiginlega að við hefðum átt að leyfa Norsurunum að vinna fótboltaleikinn í gær, fyrir alla hjálpina síðustu daga... og vikur!

Bestu kveðjur

Teddi frændi og fjölskylda í Lundi